- 442 -

1290 Mai 10, Ratibor.

Herzog Mesco von Ratibor beurkundet den Verkauf des Dorfes Pischyz (wohl abgekommen, bei Makau nw. Ratibor) durch Graf Velislaus an Iesco, Sohn des Andreas.

Or. Prag Großprioratsarchiv Gr. Tinz 13 (A).
SR 2134 = v. Schweinichen, Regesten S. 92; Hlavacek-Hledikova S. 111.
Die Schrift ähnelt der Hand von SR 2668, dürfte also der Ausstellerkanzlei zuzuweisen sein. Die Identifizierung von Pischyz mit Pyschcz südl. Ratibor durch Grünhagen ist irrig; die Tatsache, daß sich das Original im Besitz der Johanniter befunden hat und in der Nähe der Johanniterbesitzung Makau um die Jahrhundertwende ein später nicht mehr nachweisbarer Ort Pisticz (LFEV C 275) genannt wird, deutet auf eine Lage nw. Ratibor hin. - Mittelalterl. Dorsualvermerk: De villa Pischiz privilegium Mesconis ducis Rathiboriensis (13-14. Jh.).

IN nomine domini amen. Quoniam hominum labilis est memoria et omnium recordari diviinum est pocius quam humanum, ideo gesta hominum sive acta ad eternam rei memoriam necessarium est et convenit scripture testimonio perhennari. Unde nos Mesco dei gratia dux Rathiboriensis notum facimus universis presentem paginam inspecturis, quod comes Velislaus nomine suo et filiorum suorum seu heredum dedit, vendidit et tradidit iure proprio in perpetuum Iesconi filio Andree pro se et suis heredibus recipienti et ementi villam suam Pischyz nomine cum omnibus suis confinibus, terminis sive metis ad habendum, tenendum, possidendum et, quicquid sibi suisque heredibus placuerit, perpetuo faciendum cum omnibus et singulis, que infra predictos continentur confines, que habentur super vel infra seu intra predictam hereditatem, omnique iure et actione, usu seu requisicione sibi ex ea vel pro ea re aut ipsi rei modo aliquo pertinente excepcioni sibi non dati, non soluti precii et non ponderati et omni alii auxilio omnino renuncians, promittens per se et suos heredes dicto emptori pro se et suis heredibus recipienti litem vel controversiam ei vel suis successoribus de dicta re seu parte ipsius ullo tempore non inferre nec inferenti consentire, set ipsam rem tam in proprietate quam in possessione ei et suis posteris ab omni homine et universitate legittime defendere et disbrigare et de evictione, ut iura precipiunt, se teneri et predictam vendicionem et omnia et singula suprascripta perpetuo firma et rata habere et tenere et non contrafacere vel venire per se vel per alium aliqua causa vel ingenio de iure vel de facto, item reficere et restituere sibi omnia et singula dampna et expensas et interesse litis in iudicio sive extra, que universaliter singula et singulariter universa promisit firmiter et modis omnibus, quoad vixerit, observare. Acta sunt hec coram nobis predicto duce Mescone in Rathibor permittente, ratificante et confirmante omnia supradicta et quodlibet predictorum concedente eciam dicto Iesconi sueque posteritati dictam villam Pischyz cum omni iure et comodo seu utilitate, quo ipsam predictus comes Velislaus tenuit, usus fuit ad hec tempora, videlicet militari. Anno domini millesimo CC° nonagesimo, in vigilia ascensionis domini contractus huiusmodi exstitit celebratus. In cuius rei memoriam sempiternam et ad scrupulum ambiguitatis cuiuslibet amovendum presentem paginam conscribi fecimus et nostri sigilli munimine roborari ad cautelam eciam futurorum presentibus testibus infrascriptis, videlicet domino Arnoldo cancellario, comite Michaele iudice curie, comite Stoygneuo castellano de Rathibor, Iescone de Corniz subcamerario, Nicholao dapifero, Paschone Warmundi, comite Ruperto, Iescone Benconis, Michaele subpincerna et aliis quam pluribus fide dignis.

Siegel Herzog Mescos an grünen Seidenfäden, siehe Nr. 403.

Schlesisches Urkundenbuch, Im Auftrage der Historischen Kommission für Schlesien herausgegeben von Heinrich Appelt und Josef Joachim Menzel, Fünfter Band 1282 - 1290, Bearbeitet von Winfried Irgang, Böhlaus Verlag Hermann Nachf., Köln-Weimar-Wien 1993